A PERFECT GENTLEMAN
Papuntang Japan ang tyahin ni Onyo. Pansamantala itong nanuluyan sa kanila. Sa iisang kwarto at sa double-deck na kama sila natulog isang masungit na gabi.
Nasa loob si Onyo ng kanyang kwarto nang may maulinigan siyang ingay sa sala. Narinig nyang parang may bisita silang dumating. Nagri-repaso siya para sa pagkuha nya ng entrance examination kinabukasan.
Pasara na ang klase at magtatapos na siya sa senior high. Gusto nyang kumuha ng Architecture. At kailangan nyang maka-pasa sa College Admission Test ng Unibersidad ng Pilipinas. Pangarap nyang doon kumuha ng Architecture.
Nang magutom ay lumabas si Onyo ng kanyang silid. Nabungaran nya sa kusina ang bagong mukha na naka-ngiti sa kanya.
“Kumusta Onyo,” sabi sa kanya ng babae.
Hindi nya natatandaan ang babae. Pero ngumiti rin siya.
“Ako si tita Ossang mo, di mo ba ako natatandaan?” sabi pa nito na hindi inaalis ang pagkakangiti sa mga labi.
Nasa ganito silang sitwasyon ng bumungad sa kusina ang nanay ni Onyo.
“Parang hindi ako natatandaan ni Onyo Ate May,” sabi ng babae na nagpakilalang Ossang.
“Matagal ka kasing hindi nadadalaw dito,” sabi ng nanay ni Onyo.
Anim na taon pa lang yata si Onyo nang huli kang magawi dito.” Dugtong pa ng nanay ni Onyo.
“Si Ossang ang bunso namin, Onyo,” pagpapakilala ng nanay nya.
Nabigla si Onyo ng walang anumang niyakap siya nito.
What's Your Reaction?
Due to the nature of this site, you must be logged in to react.
